Віншуем Германа Зубу (выкладчык М.М.Капцюг, канцэртмайстар В.А.Бакурская) з паспяховым выступленнем (дыплом лаўрэата III ступені) на Міжнародным конкурсе “FESTOLYMP” (г. Жэнева, Швейцарыя), які адбыўся ў перыяд з 20 па 24 снежня!
Конкурс “FESTOLYMP” праводзіцца холдынгам EURO MEDIA STAR GROUP ™ – найбуйнейшым арганізатарам у шэрагу гарадоў Еўропы міжнародных дыстанцыйных конкурсаў па відэазапісах (Парыж, Лондан, Барселона, Манака, Вена, Амстэрдам і інш.). Конкурс праводзіцца ў адзін тур па шэрагу намінацый, жанраў, узроставых груп.
Навучэнец 2 курса Герман Зуба выступаў у намінацыі і ўзроставай групе “Інструментальны жанр, кларнет (саліст), 16-20 гадоў”. Згодна з палажэннем аб правядзенні конкурсу выканаў адзін твор: Ф.Крэйслер. Вальс “Выдатны размарын”.
Конкурснае выступленне Германа Зубы можна паглядзець тут: https://youtu.be/BD9FjCSIYx8
Прынцып працы міжнароднага журы заснаваны на поўнай ананімнасці, адсутнасці нарад членаў журы, што забяспечвае дастатковую ступень дакладнасці і аб’ектыўнасці ацэнкі. Па рашэнні журы выкладчыкі і канцэртмайстры лаўрэатаў узнагароджваюцца дыпломамі за ўклад у паспяховае развіццё сусветнай культуры і мастацтва.
Больш падрабязную інфармацыю пра конкурс можна паглядзець тут: http://www.visioneuromedia.com/festival.html
