*
 

Віншуем!

Віншуем!

Віншуем навучэнцаў Гродзенскага дзяржаўнага музычнага каледжа з паспяховым выступленнем на IV Міжнародным конкурсе юных музыкантаў “Палескі агеньчык” памяці Юрыя Блінова (г. Драгічын, Беларусь), які праводзіўся з 1 па 30 лістапада!
Анастасія Жук – дыплом лаўрэата II ступені (3 курс, намінацыя “Баян / Акардэон”, выкладчык С.І.Кедук);
Анастасія Гуранкова – дыплом лаўрэата III ступені і спецыяльны дыплом “За сачыненне і выкананне Элегіі памяці Юрыя Блінова” ў намінацыі “Фартэпіяна”, дыплом і званне дыпламанта ў намінацыі “Кампазіцыя”, дыплом “За шматграннасць” (цэнтр практыкі пры УА “Гродзенскі дзяржаўны музычны каледж”, 5 клас, выкладчыкі В.А.Ягадніцкая (фартэпіяна), А.М.Балкунец (сачыненне));
Паліна Акуневіч – дыплом лаўрэата III ступені (3 курс, намінацыя “Фартэпіяна”, выкладчык А.А.Пятроў);
Павел Гардзейчык – дыплом лаўрэата III ступені (2 курс, намінацыя “Баян / Акардэон”, выкладчык У.П.Кукаловіч);
Антон Жылінскі – дыплом і званне дыпламанта (1 курс, намінацыя “Баян / Акардэон”, выкладчык Н.У.Кукаловіч);
Аляксандр Чывель – дыплом і званне дыпламанта (1 курс, намінацыя “Баян / Акардэон”, выкладчык Н.У.Кукаловіч);
Леў Антаняк – грамата ўдзельніка 2-га тура (цэнтр практыкі пры УА“Гродзенскі дзяржаўны музычны каледж”, 5 клас, выкладчык Н.У.Кукаловіч)!
Гісторыя конкурсу пачынаецца ў 2014 годзе, перыядычнасць правядзення – раз у два гады. IV Міжнародны конкурс юных музыкантаў “Палескі агеньчык” памяці Юрыя Блінова ў сувязі з неспрыяльнай эпідэміялагічнай сітуацыяй праводзіўся дыстанцыйна – па відэазапісах (папярэднія 3 конкурсу – у вочным фармаце), традыцыйна – у два туры.
Арганізатары конкурсу: упраўленне культуры Брэсцкага абласнога выканаўчага камітэта, аддзел ідэалагічнай работы, культуры і па справах моладзі Драгічынскага раённага выканаўчага камітэта, дзяржаўная ўстанова адукацыі “Драгічынская дзіцячая школа мастацтваў”.
Конкурс праводзіўся ў 3-х катэгорыях: “Фартэпіяна”, “Баян / Акардэон”, “Кампазіцыя”. У катэгорыях “Фартэпіяна”, “баян / Акардэон” удзельнікі размяркоўваліся па 4-х узроставых групах: “Малодшая” (да 10 гадоў уключна), “Сярэдняя” (11-13 гадоў), “Старэйшая” (14-17 гадоў), “Маладыя артысты” (18-21 год). У катэгорыі “Кампазіцыя” былі прадстаўлены 3 групы (“Малодшая”, “Сярэдняя”, “Старэйшая”) з аналагічнымі ўзроставымі паказчыкамі.
У конкурсе прынялі ўдзел 8 прадстаўнікоў Гродзенскага дзяржаўнага музычнага каледжа: Л.Антоняк (акардэон) выступаў у малодшай; А.Гуранкова (фартэпіяна, кампазіцыя) – сярэдняй; П.Акуневіч (фартэпіяна), П.Гардзейчык (баян), А.Жылінскі (акардэон), А.Жук (баян), І.Карпач (акардэон), А.Чывель (акардэон) – старэйшай узроставай групе.
Усяго ў конкурсе прынялі ўдзел 107 выканаўцаў (67 – фартэпіяна, 40 –баян / акардэон) і 27 кампазітараў. Яны прадстаўлялі 5 краін (Беларусь, Кітай, Літва, Расія, Украіна).
У складзе журы працавалі прадстаўнікі 7 краін (Беларусь, Германія, Літва, Расія, Славакія, ЗША, Украіна).
У якасці старшынь журы 3-х катэгорый былі запрошаныя:
• фартэпіяна – Барыс Блох (ЗША), сусветна прызнаны канцэртуючы піяніст, з 1985 па 2018 гг. прафесар Універсітэта мастацтваў Эсэна, ФРГ;
• баян / акардэон – Рычардас Свяцкявічус (Літва), прафесар Літоўскай акадэміі музыкі і тэатра, прэзідэнт Літоўскай асацыяцыі акардэаністаў;
• кампазіцыя – Валерый Воранаў (Германія), лаўрэат міжнародных конкурсаў кампазітараў, з 2016 г. запрошаны прафесар Blackmore International Music Academy і Міжнароднай музычнай акадэміі ў Сочы (вядзе майстар-класы кампазіцыі і аркестроўкі), аўтар музыкі да розных тэатральных, кіна- радыё- і інтэрнэт-праектаў.
Больш падрабязную інфармацыю аб конкурсе, у тым ліку аб яго гісторыі, умовах, складзе ўдзельнікаў, членаў журы, выніках, а таксама выступленні ўдзельнікаў 2 тура можна паглядзець на сайце конкурсу: Палескі агеньчык

Віншуем!
Віншуем!
Віншуем!
Віншуем!
Віншуем!
Віншуем!
Віншуем!
Віншуем!

Віншуем!
Віншуем!
Віншуем!
Віншуем!
Віншуем!
Віншуем!
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.
 

Комментарии: (0)

Информация
Посетители, находящиеся в группе Гости, не могут оставлять комментарии к данной публикации.


Сменить язык сайта:

^

Приоритетные сайты

^







75 лет

75 лет Гродненской области